Шарената револуција не служеше некој да се офајди, тврди Петрит Сарачини
Објавено во: Македонија 29 Јануари, 2018
Шарената револуција не е завршена, нејзината примарна цел, да се врати демократијата, е остварена, но битката допрва почнува.
Ова е општиот заклучок од дебатата на „Макфакс“ на која своите размислувања на темата за придобивките од шарената револуција ги соочија Петрит Сарачини, новинар и активист, кој сега работи во одделот за односи со јавност на Министерството за култура, Маја Стевановиќ, професор и драмски автор, активен учесник во борбата на пленумците и измените во Законот за високото образование и автономноста на универзитетите, и граѓанските активисти Љуми Бекири и Ангела Илиевска.
„Владее мислењето дека тие што сега на некој начин се дел од власта тоа го направиле за лична корист и да се офајдат. Ова е неаргументирано критизерство зашто, барем што се однесува до мене, минативе дваесетина години сум заработувал двојно од тоа што заработувам сега“- вели Сарачини.