Шеикот Ал Тани купил шест острови во Грција

Добивај вести на Viber

Шест грчки острови купил Емирот од Катар, шеикот Хамад бин Калифа ал Тани, лоцирани во Јонското Море, пишува лондонски „Гардијан“. Катарскиот шеик, кој има голем имот и во Лондон и во Велика Британија, планира на островите и во палатите на нив, повремено да живеат неговите три жени и 24-те деца. Според весникот, Грција на оваа приватна зделка на емирот од Катар гледа како на можност оваа земја во Персискиот Залив, богата со нафта и гас, да помогне во извлекувањето на грчката економија од нејзината најголема криза во поновата историја. Катар би требало да биде во „пакетот“ од меѓународни инвеститори кои треба да вложат околу една милијарда евра, што би помогнале за спасување на Грција, откако таа практично банкротирше, но и за релаксирање на состојбата во целата еврозона. Во Грција се верува дека присуството на Катар во новите инвестирања во грчката економија, би можеле да ги повлечат и другите светски финансиери да вложуваат во земјата, која се уште изгледа како несигурна и небезбедна за странскиот капитал.