Шешељ бара научен институт кој би ги студирал судските практики на Хаг
Објавено во: Балкан 23 Ноември, 2017
Претседателот на Српската радикална партија, Војислав Шешељ денеска ја повика српската Влада под итно да формира научен институт кој би ги студирал судските практики на Хаг.
Тој порача дека Србија не смее да реагира пасивно на одлуката против воениот командант Ратко Младиќ, кој доби доживотен затвор за геноцид и злосторство врз човештвото.
„Лесно е да му упатуваме на Хаг политички аргументи но важно е тоа да биде поткрепено и со правни аргументи. Ни тоа не е тешко, само потребна е волја“, изјави Шешељ денеска.
Според него, само политички фрази не се доволни.