Шилегов им се извини на Кинезите, бара одговорност од ксенофобите
Објавено во: Македонија 30 Јануари, 2020
Им се извини на Кинезите и побара надлежните да побараат одговорност од граѓаните кои ги бркаа овие странски државјани од Скопје поради коронавирусот со погрдни зборови.
„Овој ксенофобичен испад на наш сограѓанин кон туристите во центарот на Скопје е срам за градот и земјата и е спротивност на се’ што Скопје е - град на солидарноста, космополитизмот и заедништвото, напиша на фејсбук синоќа градоначалникот на Скопје, Петре Шилегов.
Статусот е по настанот кој како видео беше споделуван на социјалните мрежи попладнето вчера на кое скопјанец им се обраќана Кинези во Скопје и ги брка да си одат поради коронавирусот.
„Го нудам моето најдлабоко извинување во името на сите добронамерни скопјани. Во Скопје нема да толерираме вакво однесување. Ги повикувам надлежните да поведат истрага за овој инцидент бидејќи остава сериозна дамка врз угледот на градот и земјата.
Драги скопјани, бидете гостопримливи, почестете ги овие туристи со насмевка и отворена душа, ако ги сретнете низ градот.
Не’ на ксенофобијата и расизмот. Скопје отворен град. Град за сите, напиша Шилегов.
„Коронавирус, еј го ту Кина, мрш од тука. Корона, да ве е*** во уста короништа едни“, вели непознатиот маж во видеото.