Шиповиќ пред истражниот судија ги отфрли сите обвиненија

Добивај вести на Viber

Повеќе од четири часа денеска беше сослушуван претседавачот Мирослав Шиповиќ кој останува во затворот во Шутка. Шиповиќ пред истражниот судија Иван Џолев се изјаснил дека не е виновен за обвинението, соопшти неговиот адвокат Стерјо Зиков. Притоа Шиповиќ детално ја образложил функцијата во „Машинопромет“ и целосно ги отфрлил наводите за проневера на околу милион евра, според обвинитениот акт. Како што изјави Зиков, судот дополнително треба да одлучи за барањето за укинување на притворот. Истовремено, укажа Зиков, се доцни и со давањето исказ пред истражниот судија. „Законската обврска на истражниот судија беше да го сослуша Шиповиќ во рок од 24 часа од денот на неговото екстрадирање во Македонија, но судијата тоа не го испочитува. Мирослав Шиповиќ инсистираше истиот ден кога го донесоа во Македонија да даде исказ пред истражен судија , а еве  по четири дена конечно ќе проговори пред судијата“, изјави Зиков. Адвокатот посочи и дека ќе се понуди гаранција за судот да му дозволи на Шиповиќ да се брани од слобода. Тој беше уапсен на15 октомври во Виена, додека се врачал во Македонија од САД. Покрај него, за имотот на „Машинопромет“, се приведени десетина лица во акцијата „Претседавач“. Како гараанција за да се брани од слобода, опозицискиот врв најави дека ќе го даде својот имот. Опозиционерите сметаат дека ова е политички монтиран случај за да ја блокира работата на Советот на општина Центар.