ШЛАКАНИЦА ЗА ШОЛЦ ОД ПУТИН:„Цел свет му се смее, а доказ за тоа е...“
Објавено во: Свет 01 Декември, 2023
Рускиот претседател Владимир Путин изјави дека германските лидери покажуваат лоши лидерски способности и дека целиот свет им се смее. Иако не го спомна германскиот канцелар Олаф Шолц дословно, Путин рече дека сите знаат кој е тој.
Говорејќи на средбата со млади руски научници, рускиот претседател рече дека Германија е управувана од западни партнери бидејќи нема суверенитет. Тој се осврна на напорите на ЕУ да се откаже од руските енергетски испораки по ескалацијата на украинскиот конфликт, наведувајќи дека со тоа Германија самата си наштетила.
- Или самите европски земји му вртат грб на евтината енергија, или одлуките ги носат нивните сојузници од САД од политички причини. Во оваа смисла, енергетската безбедност на ЕУ претрпе удар кога Полска и Украина ја прекинаа испораката на руски гас преку нивната територија, а гасоводот „Северен тек“ беше кренат во воздух – рече Путин.
Според него, Киев добива пари од Европа, од Германија... додека гасот што им е потребен од Русија е прекинат.
-Сето ова Германците го голтаат затоа што немаат суверенитет. А некои владини лидери очигледно немаат доволно професионални вештини за да донесат соодветни и професионални одлуки. Сите знаат кој е, цел свет им се смее – заклучил рускиот претседател.