Шок во Калифорнија, цената на горивата на рекордно ниво

Добивај вести на Viber

Дерек Трејси е навикнат на многу работи, но скокот на цената на бензините во последната недела го  изненадува и него. „Секое лето сме сведоци на се повисоки цени, но вакво нешто никогаш не се случило ", вели претприемачот од Сан Франциско, а цитиран од германскиот економски дневен весник Ханделсбат. Трејси вози службен пикап од марката Шевролет, но сега сака да го смени со поекономичен модел. „Тогаш би можел да поминам и до 20 милји со еден галон" се надева тој.  Ако сега ја „стисне“ колата посилно,  со галон ќе мине едвај 15 милји. Жителите на Калифорнија се загрижени од цените на кои достигнаа рекордно ниво. Според пресметките на најголемиот американски клуб за автомобилизам просечната цена на горивата во државата во неделата достигна 4,66 долари за галон (3,79 литри)  што е рекорд на сите времиња. Одделни бензиски пумпи во Лос Анџелес и Сан Франциско продаваат дури и до 5,90 долари за галон. Ланецот  „Costco“ привремено затвори неколку големи бензински пумпи, бидејќи тие не сакаат да купуваат бензин по рекордно високи цени. По падот на производството во две големи рафинерии ситуацијата се влоши до тој степен што нафтените компании „Exxon Mobil“ и „Valeo“  го намалија снабдувањето со енергија на своите клиенти и ја запреа продажбата. Тоа беше удар, особено за независните мали бензински пумпи. Без брза реакција на состојбите, аналитичарите очекуваат негативни ефекти врз почетокот на празничниот шопинг за Божиќ. Тие стравуваат дека повисоките трошоци за бензин ќе бидат компензирани во другите области. Прекин на електричната енергија во рафинеријата на „Exxon“ минатата недела доведе до намалување на производството во текот на неколку дена. Пожарот  во Ричмонд на една од најголемите рафинерии во земјата работи на намален капацитет, а гасоводот од јужниот до северниот дел на Калифорнија беше затворен поради технички проблеми. Дел од експертите очекуваат подобрување на ситуацијата, откако рафинериите повторно ќе проработат на полн капацитет . Други аналитичари се помалку оптимистични и веруваат дека цената на бензинот ќе експлодира. Според  Крис Фокнер, енергетски експерт во„ Breitling Oil and Gas“, ако во наредните три дена нема некакво подобрување во ситуацијата, цената може да ја мине границата од шест долари за галон. Тоа ќе биде лоша вест за сите во Калифорнија.