ШОК ЗА ТУРИСТИТЕ: Се откажува ли Турција од системот „Аll inclusive“
Објавено во: Балкан 22 Август, 2018
Турскиот туристички сектор планира да го напушти системот All inclusive, пишува весникот Хуријет. Информациите се од Конфедерацијата на трговци и занаетчии во земјата. Според индустријата системот веќе е исцрпен и иако бројот на туристите го надмина нивото од 2014 година, приходите не се зголемуваат и дури бележат намалување.
Турскиот министер за туризам и култура, Мехмед Ершо, исто така смета дека нешто треба да се промени и дека земјата треба да бара начини како да ги зголеми парите што туристите ги оставаат.
Во моментов, според хотелиерите, просечната цена од една соба е 76 евра на ден. Се очекува Турција да ја посетат 36 милиони туристи во 2018 година, што ќе генерира приходи од околу 30 милијарди долари - 4% од БДП.
Најбројните туристи доаѓаат од Русија - 4,5 милиони, минатата година тие беа 3,5 милиони, а потоа Бугарите кои ја посетиле Турција - 1,85 милиони.