Шпанија ги затоплува односите со конзорциумот што работи на Панамскиот канал

Добивај вести на Viber

Владата на Шпанија преговара со Sacyr Vallehermoso и владејачките структури  во Панама за решавање на спорот по договорот за проширување на Панамскиот канал, пишува "Вијести". Шпанското министерство за надворешни работи соопшти дека во интерес на земјата е "да се најде решение што е можно поскоро". Работата на проширување на каналот почна во 2009 година, но трошоците за проектот ги надминаа одобрените средства од буџет од 1,6 милијарди долари. Градежниот конзорциум што го подготвува  проектот, се закани со прекин на работата, ако потребните дополнителни средства не бидат префрлени на сметките на компанијата. Групата ја обединува шпанската компанија Sacyr Vallehermoso, италијанската Impregilo, белгиската Jan De Nul и Панамската Constructora Urbana. " Панама е земја која е многу блиска и пријателска за Шпанија . Ние сме заинтересирани за она што е можно побрзо да се најде решение за излез од ситуацијата " , истакнаа претставници на Министерството за надворешни работи на Шпанија . Низ Панамскиот канал поминува околу 5 % од светската трговија по море . Панамскиот претседател Рикардо Мартинели соопшти очекува владите Италија И Шпанија  ќе преземат морална одговорност , за да се справат со овој проблем .