Добивај вести на Viber
Шпанија има спроведено максимална парична казна во износ од 900 илјади евра на интернет гигантот Google , објави The Wall Street Journal . Причината е за три нарушувања на локалните закони за заштита на личните податоци .
Агенцијата за заштита на информациите на Шпанија проценила дека Google ги прекршиле законите на земјата бидејќи собирал податоци за корисниците и ги здружувал од неколку различни услуги. Фактот дека компанијата ги чува информациите неограничено и без знаење или согласност на корисниците , тоа не му се допаѓа на шпанскиот регулатор .
Google ги гледа аргументите на Агенцијата внимателно , за да го процени следниот чекор , се вели во соопштението на компанијата. Оттаму прецизираат дека ќе продолжат да соработуваат со влстите , " за да се создадат едноставни и ефикасни услуги " .
Практиките на интернет гигантите со податоците на корисниците се предмет на истрага во уште пет други европски држави. Франција , Холандија , Италија и германскиот град Хамбург веќе најавија дека наметнувањето на казни не е исклучено .