ШПАНИЈА НА НОЗЕ! ИЛЈАДНИЦИ ПРОТЕСТИРААТ НА УЛИЦИТЕ ВО МАДРИД И БАРСЕЛОНА: Поради ова повеќе не можат да живеат во градовите

Добивај вести на Viber

Под слоганот „Домувањето е право, а не бизнис“, илјадници луѓе се собраа во неделата на улиците на Мадрид за да го изразат своето незадоволство од високите цени за изнајмување на становите, јавуваат агенциите.

Ситуацијата доведе до тоа шпанските граѓани да изразат бес поради тоа што не можат да живеат во своите градови. Бланка Прието, 33-годишна медицинска сестра, истакна дека тие се принудени да ги напуштат градовите и ја повика владата да ги регулира цените и пазарот на недвижности.

Плановите на шпанската влада

Во јули оваа година, шпанската влада ги објави плановите за сузбивање на краткорочните и сезонските изнајмувања и истрагата за огласите на платформите како Airbnb и Booking.com за да потврди дека ги имаат потребните лиценци.

Spain: Thousands protested in Madrid on Sunday under the slogan "Housing is a right, not a business," demanding more affordable housing and lower rental prices amid growing anger over being priced out of the market. pic.twitter.com/wwLenJY2Wp

— DD India (@DDIndialive) October 13, 2024

Незадоволството ќе се прошири

Шпанските власти се соочуваат со предизвикот како да ја координираат промоцијата на туризмот, клучен двигател на домашната економија, со решавање на проблемот со високите кирии кои се последица на пренасочувањето на сопствениците на имотот кон попрофитабилно туристичко сместување.

Протести во Барселона

Во Барселона имаше посебен протест против одржувањето на едриличарската трка на Купот на Америка, каде што демонстрантите го обвинија меѓународниот спортски настан за зголемување на цените за изнајмување и носење уште повеќе туристи во и онака пренаселениот град.

Thousands have taken to the streets of Madrid, #Spain, to protest rising #accommodation costs. pic.twitter.com/LQUU9U4atn

— TVP World (@TVPWorld_com) October 13, 2024

Незадоволство на жителите на Канарските острови и Малага

На почетокот на оваа година, жителите на Канарските Острови и Малага исто така организираа протести, изразувајќи незадоволство од зголемената преориентација на сопствениците на имотот кон туристичко сместување. Ова доведе до потешкотии за сезонските работници во туристичката индустрија да најдат соодветно домување, принудувајќи ги да спијат во камп приколки или дури и автомобили.