МАЈКАТА НА ВАЊА НЕ ПОЗНАВА НИТУ ЕДЕН ОД ОБВИНЕТИТЕ: Заврши денешното рочиште

Добивај вести на Viber

Во денешното рочиште за двојното убиство на 14-годишната Вања Ѓорчевска и 74-годишниот Панче Жежоски, сведочеше мајката на девојчето, Зорица Ѓорчевска. На вкрстени прашања од адвокат Марјан Витановски, бранител на првообвинетиот Љупчо Палевски, таа одговори на неколку клучни прашања поврзани со соработката меѓу нејзиниот татко и Палевски.

На прашањето дали ѝ е познато дека нејзиниот татко имал соработка со првообвинетиот во купопродажба на станови, таа одговори потврдно. Во врска со можни недоразбирања помеѓу нив, Ѓорчевска изјави дека нејзиниот татко би се повлекол доколку имало несогласувања.

Кога беше прашана дали има било какви сомневања за можен конфликт меѓу нејзиниот сопруг и Палевски, таа истакна дека нема сознанија и дека не следи медиуми, обидувајќи се да го заштити своето дете од вестите и шпекулациите.

Адвокатот Витановски исто така изјави дека Зорица Ѓорчевска пред судот потврдила дека не познава ниту еден од обвинетите и не навела дека се сомнева дека нејзиниот сопруг имал контакт со Палевски.

„Во својот исказ, таа не посочи дека ги познава обвинетите, ниту дека има било каков сомнеж за врска меѓу нејзиниот сопруг и првообвинетиот“, изјави Витановски.

Расправата продолжува на 16 октомври.