Штерјо Наков не оди никаде, само ја бетонира позицијата во Фершпед

Добивај вести на Viber

Првиот човек на Фершпед Штерјо Наков не си заминува од „Фешпед“ туку од местото претседател на Управниот одбор ќе оди на позицијата претседател на Надзорниот одбор на компанијата. На 29 март акционерското собрание ќе бира нови членови на надзорниот одбор, а освен познатите бизнисмени Штерјо Наков Наков и Кираца Трајковска, предложени се Невенка Ристовска и Виолета Татабитовска. Се уште нема информации кој би го заменил Наков, но се претпоставува дека на неговата фотелја би седнал еден од неговите двајца синови, Драган Наков, пишуваат медиумите. Според податоците на Централниот депозитар Драган Наков поседува 11 проценти од акциите на Фершпед, уште толку поседува другиот син Сашо Наков, а Кираца Трајковска има нешто над 10 проценти. Наков својот сопственички удел им го подари на синовите во 2008 та година. Надзорниот одбор претставува тело кое ја контролира работата на управниот одбор, што во превод значи дека клучните стратешки одлуки се уште остануваат под контрола на бизнисменот Наков. Во команиите кои се под контрола на Штерјо  Наков  освен Фершпед се и хотелот Александар Палас, хотелската компанија Метропол во Охрид со три хотели и винаријата Сковин. До неодамна во негова сопственост беше и скопската телевизија Алфа, која ја продде на еден српски бизнисмен.