ШТО ЈА „СТОПИ“ ДОБИВКАТА НА „ТЕТЕКС“ И КАКО ДИВИДЕНДИТЕ ГО СПАСИЈА ОД ЗАГУБА - комбинатот остана со третина од профитот

Добивај вести на Viber

Добивка е, ама е многу помала од минатогодишната. 

Односно, регистрирано е намалување на позитивниот финансиски резултат за дури 72 отсто, што значи дека од канската добивка сега останале дури и помалку од една третина. 

Некогашниот гигант, тетовскиот комбинат „Тетекс“, од почетокот на годинава па досега, не ги живее своите најдобри денови во историјата на постоењето. 

Добивката на ова акционерско друштво во првите три квартали од оваа година достигна 168 илјади евра, што е значајно намалување за 72 отсто во однос на истиот период од лани. 

А, она што е уште позагрижувачки, е дека таа дури не би била ни довика ако би се темелела само на редовното работење, односно во тој случај би била загуба. Но, ситуацијата ја „спасиле“ парите од дивиденди, што значи дека ова АД кое некаде е акционер, а тоа е ТТК банка, но и во други банки или фирми, од каде што добива дивиденди, па благодарение на нив зајакнала приходната страна.  

Како што објаснуваат и од самата компанија, редовните приходи, односно приходите остварени од продажба на производи и услуги, за периодот од јануари закклучно со септември годинава, биле на ниво од 703 илјади евра, и како што велат од „Тетекс“, тие се резултат од редовното работење, во што се вклучени приходи од кирии, услуги и продажба на материјали, готови производи и стоки. Но, и тие се намалени за дури 62 проценти.

Расходите, пак, биле на ниво од 1,21 милиони евра, што значи дека се поголеми од приходите, и затоа компанијата прикажува оперативна загуба, на сума од 542 илјади евра, која за волја на вистината, е малку пониска од истиот период лани.  

И, тука се јавуваат финансиските приходи, кои и лани ја покриле големата оперативна загуба, но кои годинава се пониски, и изнесуваат 703 илјади евра, наспротти 1,26 милиони евра во трите квартали од минатата година. Како што потенцираат од самата компанија, станува збор за приходи од примени дивиденди.  

Сето ова направило финанлната добивка за девет месеци да изнесува само 168 илјади евра.

„Напорите на менаџментот на ТЕТЕКС АД , во  постоечките услови на работа, се насочени кон менаџирање на постоечките расположиви капацитети на недвижен и движен имот, како и залихите на материјали, производи и стоки, за да се оствари приход  и позитивен резултат од работењето, согласно финансискиот план за 2024 година“, се вели во објавата од комбинатот на берзата.