Што содржи изборната програма на ДУИ?

Добивај вести на Viber

Во секое семејство да има барем по еден вработен, да се спроведат сите препораки од Европската комисија, но и препораките на Охридскиот договор.

Ова го ветува Демократската унија за интеграција(ДУИ).  Лидерот на партијата,  Али Ахмети, денеска во Скопје ја промовираше изборната програма на партијата за претстојните парламентарни избори, која била подготвена од интелектуалци и од докажани експерти.

„Сигурен сум и верувам дека ние можеме да ја оствариме оваа програма и затоа на веб-страницата на ДУИ дадовме можност да се предложат сугестии за тоа што не сме го постигнале. Од оваа програма не добиваат само Албанците, туку сите граѓани во Македонија“- изјави Ахмети.

Артан Груби, пак, кој е носител на листата во првата изборна единица порача дека владеењето на правото ќе биде засновано на транспарентност, во согласност со сите дадени препораки и додаде дека ДУИ не познава друга алтернатива освен интеграција во ЕУ и во НАТО.

Приоритет на ДУИ во наредните четири години ќе биде двојазичноста во Македонија. 

Двојазичноста велат  е добра за сите граѓани во Македонија и за економска соработка затоа што доминантен фактор во регионот е албанскиот и косовскиот пазар. Во наредниот мандат ќе донесат и закон за формирање на институција која ќе биде механизам за заштита на албанскиот јазик.