Што сработи сообраќајната полиција викендов?

Добивај вести на Viber

Сообраќајната полиција во  текот на изминатите денови, на 16, 17 и 18 март, на подрачјето на СВР Скопје евидентирала 30 сообраќајни незгоди. Четири лица се тешко повредени, а 20 се здобиле со полесни повреди во 19 сообраќајки. Во останатите 11 е  причинета  материјална штета.

Санкционирани се 91 возач бидејќи се движеле со брзина поголема од дозволената. Исто така, 14 возачи се санкциониран бидејќи поминале крстосница на црвено светло, тројца не дале првенство на минување на пешаци, шестмина возачи неправилно се престроиле, а еден - неправилно престигнувал.

Истовремено, 68 возачи се исклучени од сообраќајот бидејќи: 60 управувале возила пред да се стекнат со право за управување на моторно возило, шестмина биле возачи почетници а дванаесетмина управувале возила под дејство на алкохол. Исто така, од сообраќај се исклучени 42 возила: од  нив - 40 возила биле нерегистрирани, едно возило е исклучено поради претовар, а едно возило било технички неисправно.

Од информациите кои ги соопштија од МРВ, во однос на пешаците, четворица пешаци се санкционирани бидејќи поминале коловоз надвор од пешачки премин додека петмина поминале коловоз на црвено светло. Во текот на изминатите денови издадени се 285 мандатни платни налози, додека 153 возила се подигнати со „пајак".