Што стои зад поскапувањето на еврото?

Добивај вести на Viber

Еврото покажува тврдоглавост и покрај тоа што Европската централна банка прави огромни напори да ја пробие дефлацијата, останува стабилен и дури поскапува. Ова сигурно изненади многумина, иако според некои аналитичари, ситуацијата нема да се промени наскоро, пишува CNBC. Непосредно по одлуките на ЕЦБ еврото потона до најниско ниво од февруари наспроти доларот- 1,3505, но потоа дојде до брзо опоравување и враќање на нивото од пред седницата. "Многу луѓе се чешат по главите и се чудат на поскапувањето на еврото", коментира Ема Laвсон, главен монетарен стратег во National Australia Bank. "Постои силен скептицизам дека мерките на ЕЦБ нема да бидат ефективни или дека нема да се доволни. Без понудата на кредити врши притисокот врз економијата на еврозоната, побарувачката во Европа е многу слаба ", вели таа. "Последното нешто што и треба на ЕЦБ сега, е посилно евро, бидејќи тоа може да ја исправи еврозоната на работ на дефлациона стапица", коментира аналитичарот Џонатан Пејн. Тој потсетува дека минатиот месец инфлацијата во еврозоната беше 0,5 отсто - далеку под задолжениот од ЕЦБ таргет од 2 проценти. Иако мерките ги надминаа очекувањата на некои аналитичари, многумина се уште имаат сомневања дали ЕЦБ ќе успее во обидот за подгревање инфлацијата. Негативните камати на депозитите "можат да имаат дефлационен ефект, наместо инфлациски очекувања ", бидејќи може да ги натера банките да ги пренесат дополнителните трошоци кон клиентите ", објаснува Мајкл Гајд, главен инвестициски стратег во Pension Partners. Според некои аналитичари поскапувањето на еврото во моментов е резултат од стратегијата "купи слух, продај вест" и всушност гледаме затворање на кратки позиции. Фактор кој го поддржува еврото, е барањето на Марио Draghi наскоро да не се очекува ново намалување на каматата, што значи дека најверојатно пазарот не очекува какви и да било промени во блиска иднина, коментираат од Credit Agricole. Стабилните очекувања за каматите, сеуште позитивните финансиски текови кон еврозоната, како и шпекулативните кратки позиции, најверојатно ќе се покажат доволни за да го поддржат еврото. Според банката за еден месец еврото може да поскапе до 1,39 EUR / USD. На долг рок, сепак од Credit Agricole остануваат песимисти за курсот на еврото и очекуваат кон крајот на годината стапката наспроти доларот да е 1,30-1,33. K.K.