ШВАЈЦАРСКИ ВЕСНИК: Влијанието на Русија, Кина и Турција крие реални ризици по Балканот
Објавено во: Македонија 30 Октомври, 2019
Европската Унија и Западот значително изгубија доверба и можност за влијание врз Балканот и со тоа е овозможено поголемо влијание на Русија, Кина и Турција, наведува швајцарскиот весник „Ноје цирхер цајтунг“.
Авторот на анализата оценува дека влијанието на Русија, Кина и Турција крие реални ризици по Балканот.
Европска Унија повеќе не нуди убедлива перспектива за проширување на Балканот, со што се намалува влијанието на Западот, а јакне влијанието на други земји, се наведува во текстот.
„Ноје цирхер цајтунг“ истакнува дека Русија е популарна помеѓу православните граѓани и се претставува како „чувар на конзервативните вредности и противтежа на декадентниот Запад“, додека Турција е поврзана со муслиманите.
„Ноје цирхер цајтунг“ оценува дека мали се шансите балканските држави да се свртат кон Москва или Анкара, додавајќи дека трговската размена на земјите од регионот со Русија изнесува само шест отсто, додека трговската размена со ЕУ е 73,5 проценти.
„Ноје цирхер цајтунг“ посочува и дека Москва, Анкара и Пекинг не дејствуваат сложно, туку имаат различни интереси на Балканот.