Швајцарија децидна, нема азил за македонски државјани

Добивај вести на Viber

Се намалува бројот на лажните азиланти од Македонија во Швајцарија, пред се поради механизмите на надлежните институции од двете земји, кои спречуваат неоснован азил и ја загрозуваат визната либерализација на Македонија. Сумите што ги добиваат азилантите неколкукратно се намалиле, а одговор на барањето за азил, за разлика од претходно сега се добива за само 48 часа, се заклучоците од денешната посета на директорот на Федералната канцеларија за миграции при Швајцарската Конфедерација, Марио Гатикер со високи владини претставници од Македонија. Според Гатикер, Република Македонија за Швајцарската Конфедерација е  безбедна земја во која што нема политички прогон, па оттука секое барање за азил во Швајцарија од македонски државјни тој го оценува како целосно неосновано, поради што веројатно истото ќе биде одбиено во најкус можен рок. Тој посочи дека пред воведувањето на безвизниот режим годишно до швајцарските власти стигнувале до 200 барања за азил од македонски граѓани, а по укинувањето на визите бројката пораснала на 1.200 барања кон крајот на 2012 година.