12 Јули, 2020
0.0432

„ШВАЛЕР“ И „ДЕДА“ - Мендух Тачи и Арбен Џафери биле следени без судска наредба

Објавено во: Македонија 22 Ноември, 2019

Поранешен вработен во УБК, Марјан Јанкуловски, на денешното рочиште за предметот „Таргет-Тврдина” за незаконското следење на комуникациите, кажа дека без наредба и под псевдоними биле прислушувани и Мендух Тачи и Арбен Џафери, пренесе МИА.

„Имаше чудни псевдоними кои ги знаевме само ние оперативно, се знаеше дека „швалер” е Тачи, а „деда” е Арбен Џафери. Сомнително ми беше што за нив немаше наредба, а тие цело време беа вклучени на системот за прислушување. Со Звонко Костовски разговарав дека нешто не е во ред, тој ми велеше дека не знае за тоа. Во УБК паралелно работеа двата система за комуникација, и Најс и Верин. На едниот вежбавме, а на другиот тековно се одвиваа прислушувањата“, рече Јанкуловски.

Сведокот учествувал и во комисијата за уништување на опрема за прислушување.

„Еден ден не викнаа, за викенд и опремата товарена на камиони се однесе на отпад каде што беше уништена на преса. Наредба добивавме од Никола Бошковски каде да се унушти опремата, а на уништувањето присутни беа и Тони Јакимовски и Горан Грујовски“, посочи Јанкуловски.

Уништувањето на опремата било снимено со камера. Сведокот бил еднаш на уништување на опремата, но дел од комисијата била уште еднаш да за се доуништи.

„Никола Бошковски ми се јави пред да дадам изјава во СЈО, тој и ме однесе до Обвинителството и попат ми кажа што да кажам пред обвинителите. Тој ми се јави кога завршив со исказот во СЈО и дојде да ме земе од дома и на еден паркинг ме прашуваше кои одговори сум ги дал. И Горан Грујовски ми се јави за време на истражната постапка, беше во паника и ми рече дека ќе не апселе за викендот и дека би било фино со семејството да не бидам во Скопје бидејќи и тој немало да биде дома. Тој ми рече ако има некој проблем да се јавам кај некој адвокат Перо и ми даде број. На втората средба со Грујевски на тефтер ми пишуваше што треба да одговорам ако ме испрашуваат пак“, изјави Јанкуловски.

Кажа дека добил листа од Надица Николиќ да приклучи 10 броеви и во нив го препознал бројот на неговиот син. Кога ја прашал, таа му рекла дека Грујевски и кажал оти тоа се кандидати за вработување и сакал да се стават за слушање.

Рочиштето за „Таргет – Тврдина“ ќе продолжи на 12 декември со вкрстено испрашување на сведокот Марјан Јанкуловски, на барање на одбраната, заради подобра подготовка и поради високата телесна температура на обвинетиот Сашо Мијалков која ја имал од утринава.


Можеби ќе ве интересира

ПАНЧЕВСКИ СЕ БАРА ПОД ДРВО И ПОД КАМЕН - МВР трага на повеќе можни локации

ПАНЧЕВСКИ СЕ БАРА ПОД ДРВО И ПОД КАМЕН - МВР трага на повеќе можни локации

МАКЕДОНИЈА НА МАПАТА НА СВЕТСКИТЕ ЦЕНТРИ - двете најтешки трансплантации достапни и во земјава

МАКЕДОНИЈА НА МАПАТА НА СВЕТСКИТЕ ЦЕНТРИ - двете најтешки трансплантации достапни и во земјава

ГОЛЕМА ТРАГЕДИЈА ВО ВЕЛЕС: Се удави 28 годишно момче во Велешко езеро

ГОЛЕМА ТРАГЕДИЈА ВО ВЕЛЕС: Се удави 28 годишно момче во Велешко езеро

БУЈАР ОСМАНИ БАРА ПОДДРШКА ОД МАКЕДОНЦИТЕ ЗА ПРЕМИЕР АЛБАНЕЦ - да се сруши дуополот на СДСМ и ВМРО-ДПМНЕ

БУЈАР ОСМАНИ БАРА ПОДДРШКА ОД МАКЕДОНЦИТЕ ЗА ПРЕМИЕР АЛБАНЕЦ - да се сруши дуополот на СДСМ и ВМРО-ДПМНЕ

НАПРАВИВМЕ СЕ ЗА ДА ЈА СПАСИМЕ ДЕВОЈКАТА, НО СОСТОЈБАТА И СЕ ВЛОШИ СО СРЦЕВА СЛАБОСТ - од Здравство за Фактор

НАПРАВИВМЕ СЕ ЗА ДА ЈА СПАСИМЕ ДЕВОЈКАТА, НО СОСТОЈБАТА И СЕ ВЛОШИ СО СРЦЕВА СЛАБОСТ - од Здравство за Фактор

НЕМАЛА ХРОНИЧНИ БОЛЕСТИ - младата девојка од Тетово пред да почине имала и кардиолошки проблеми

НЕМАЛА ХРОНИЧНИ БОЛЕСТИ - младата девојка од Тетово пред да почине имала и кардиолошки проблеми

КОРОНАТА ЛЕГНА 411 ЛИЦА НА БОЛНИЧКА ПОСТЕЛА - полни клиники со болни од КОВИД

КОРОНАТА ЛЕГНА 411 ЛИЦА НА БОЛНИЧКА ПОСТЕЛА - полни клиники со болни од КОВИД

Поранешниот амбасадор во Германија повика да се гласа за ГДУ

Поранешниот амбасадор во Германија повика да се гласа за ГДУ

СЛАВЕСКИ ОД ОХРИД ЈА ОБЈАСНИ ОБНОВАТА - невработеноста ќе ја симнеме под 10 отсто

СЛАВЕСКИ ОД ОХРИД ЈА ОБЈАСНИ ОБНОВАТА - невработеноста ќе ја симнеме под 10 отсто