Добивај вести на Viber
Шведскиот производител на телекомуникациска опрема „Ериксон“ објави план за укинување на 1.550 работни места во Шведска за да ја зголеми добивката..Тоа претставува околу девет отсто од работната сила во шведската компанија во Шведска ( влупно 17.768 вработени заклучно со 30 септември) и 1,5 проценти од вкупниот број на вработени во светот (вкупно 109.214 истиот датум) , пренесуваат француските електронски медиуми.
„Ериксон“ во соопштението наведува дека со укинувањето на работните места ќе бидат опфатени сите дејности со кои се занимава компанијата, а дека најмногу ќе биде погоден огранокот кој се занимава со мрежи.
Компанијата, меѓудругото објави дека почнале преговори со претставници на вработени околу начинот за реализација за укинување на работните места, како и дека е предвидено до март 2012 година сите вработени да бидат информирани за одлуката.