31 Мај, 2020
0.0421

СИЛЕН УДАР: Народната банка предвидува економијата да ни се струполи за 3,5 отсто

Објавено во: Финансии 05 Мај, 2020

Народната банка очекува дека економијата на земјава же падне за 3,5 отсто, а ќе заздрави дури идната година, кога треба да порасне за 4,7 отсто. Ова се најновите значајно надолни прокеции на Народната банка, кои се слични со оние на Владата, којапрогнозираше економски пад од 3,4 проценти оваа година. 

Главните две причини се тоа што ќе им оди лошо и на нашите најзначајни трговски партнери, но и фактот што и кај нас важат рестриктивни мерки кои ја намалуваат економската активност.

Според гувернерката Анита Бежовска Ангеловска, за македонската економија се очекува неповолно надворешно опкружување, со изразен пад на странската побарувачка. 

„Домашните рестриктивни мерки ќе имаат најнегативно влијание во вториот квартал. Очекуваме поекспанзивна фискална потрошувачка, а јавните инвестиции да бидат послаби годинава. Извозните капацитети ќе бидат позначајно погодени во вториот квартал“, рече Ангеловска. 

Според неа, кај нашите најзначајни трговски партнери, странската побарувачка за наши стоки и услуги ќе падне за 5 отсто оваа година. Ова значи голема надолна корекција во однос на октомври. Послаби очекувања има кај сите наши значајни трговски партнери, што се поврзува со неизвесноста колку ќе трае здравствената криза и можноста за појава на втор бран на пандемија. 

По солидниот раст на домашната економија лани од 3,6 отсто, соочени со пад на глобалната активност и домашните рестриктивни мерки, за оваа година очекуваме намалување на економската активност од 3,5отсто и постепено закрепнување, со тоа што за идната година, кога се предвидува раст од 4,7 отсто, нагласи гувернерката. 

Се очекува пад кај сите компоненти на БДП освен кај јавната потрошувачка. Ќе падне личната потрошувачка, и поради тоа што ќе забави кредитната поддршка, но и поради големата неизвесност. Бруто инвестициите ќе имаат пад од 10 отсто, кај извозот пад од 17 отсто, аувозот за 15 отсто.

Инфлацијата ќе оди надолу, годинава ќе биде околу нулата, а очекувавме 1,5 отсто. 

Главен ризик за ова сценарио е пролонгирање на здравствената криза. Тоа може да доведе до уште повисок пад на БДП. Ако странската побарувачка падне двојно повеќе од очекуваното, БДП дополнително ќе падне за 2,3 отсто. 

НБМ ја релаксираше монетарната политика и од почетокот на годината презеде повеќе мерки за ублажување на ударот, рече Бежовска.

Свесни сме дека во последните години поради здравоста и капитализираноста на банките имаше солидна кредитна поддршка за фирмите и граѓаните, а и првиот квартал оваа година е задоволителен. Сепак, во март се забележуваат сигнали на забавување. До крајот на годината очекуваме депозитите да забават на 2,3 отсто, ана кредитите до 3 отсто, но потоа тие повторно ќе забрзаат. Ова од причиба што кризата ќе го намали потенцијалот на граѓаните заштедење. Во поглед на кредитоте тие ќе се насочат кон реструктуирање на постојните кредити, нагласи гувернерката.

„Сведоци сме дека светот се соочива со една од најголемите и најтешките здравствени кризи, што бара преземање на брзи и силни мерки. Мерки се преземаат истовремено во сите земји, што говори дека секоја земја ќе биде поголема, особено во време на висок степен на глобализација и можност за прелевање на шоковите“, рече гувернерката.

ММФ за годинава очекува пад од три отсто за светската економија, што е најголем по Големата депресија. Во 2008 падот беше 0,1 отсто. Кај развиените економии се очекува пад од 6,1 отсто, а кај брзорастечките економии падот ќе биде помал и ќе изнесува 1 отсто. 

ММФ очекува силината на пандемијата да се намалува во втората половина на годината, а со тоа и намалување на рестриктивните мерки. 

Се очекува остра надолна корекција кај цената на енергенсите. Надолу се ревидирани и цените на храната. Индексот на ценитена металите паѓа со 17 отсто. Ова ќе има негативен ефект кај нашиот извоз. 

Н.Н.Ф.

Можеби ќе ве интересира

КАМАТИТЕ УПОРНО ОДАТ НАДОЛУ - добро за тие што сакаат кредит, но неповолно за штедачите

КАМАТИТЕ УПОРНО ОДАТ НАДОЛУ - добро за тие што сакаат кредит, но неповолно за штедачите

Шекеринска: Ни требаат пари од странство!

Шекеринска: Ни требаат пари од странство!

АНГЕЛОВСКА ЗА ПЛАТЕЖНАТА КАРТИЧКА: Ќе им помогне на погодените и ќе ја намали сивата економија

АНГЕЛОВСКА ЗА ПЛАТЕЖНАТА КАРТИЧКА: Ќе им помогне на погодените и ќе ја намали сивата економија

БЕА БРОЈ ЕДЕН: Херц оди во стечај

БЕА БРОЈ ЕДЕН: Херц оди во стечај

ПОДАТОЦИ ЗА ПЛАТИ: Еве колку заработуваат Германците

ПОДАТОЦИ ЗА ПЛАТИ: Еве колку заработуваат Германците

Професорката Наумовска нов член на Надзорниот одбор на Прокредит банка

Професорката Наумовска нов член на Надзорниот одбор на Прокредит банка

МБА: Ќе се одржи националниот натпревар на Европскиот квиз на пари

МБА: Ќе се одржи националниот натпревар на Европскиот квиз на пари

За Алкалоид, Комерцијална банка и НЛБ банка бесплатни инвестициски анализи

За Алкалоид, Комерцијална банка и НЛБ банка бесплатни инвестициски анализи