СИЛНИ БУРИ ВО ГРЦИЈА: Поплава во Солун, огромни бранови на Халкидики, еве како изгледаа омилените туристички места

Добивај вести на Viber

Невреме вчера попладне ја погоди северна Грција, предизвикувајќи поплави и хаос на патиштата во Солун, со што заврши топлотниот бран во земјата.

Драматична промена на времето предизвика хаос во Солун вчера, бидејќи силните бури ги поплавија улиците и го нарушија секојдневниот живот во вториот по големина град во Грција. Обилните дождови ги претворија главните патишта во реки, а локалните извештаи велат дека шахтите пукнале под притисокот на водата, објави Товима.

Мотоциклист е повреден откако изгубил контрола на лизгава улица во центарот на градот, поточно на прометната авенија Цимиски. Во областа на реката Вардар, возачите се мачеле да се движат бидејќи нивото на водата ги направило патиштата непроодни.

Топлотниот бран завршува со временски неприлики

Бурата е дел од поширока атмосферска нестабилност што ги погодува северна и централна Грција, привремено завршувајќи го долгорочниот топлотен бран. Според националната метеоролошка служба, нестабилното време ќе трае и денес, носејќи интензивни дождови, град и силни ветрови во неколку региони.

Обилни врнежи од дожд беа регистрирани во Солун, Халкидики и Кукуш,  Епир, Тесалија (особено Кардица и Трикала), Спорадиските Острови и некои делови од Тракија.

Властите ги повикуваат граѓаните да бидат претпазливи, особено во областите каде што може да се очекуваат грмотевици и град.

Судејќи според објавите на Србите кои одмараат на Халкидики, бурата погоди некои одморалишта каде што се снимени снимки од црно небо, силен ветер и високи бранови. Можете да ги погледнете снимките од Ханиоти тука.

Еве како беше во Пефкохори

Неос Пиргос

Нова.рс

Фото: Принтскрин