Силно невреме однесе жртва во Хрватска
Објавено во: Балкан 05 Февруари, 2023
Силно невреме ја зафати Хрватска, при што разорен ветер урна објекти, а има и еден загинат. Во реката Дунав кај Вуковар е пронајдено безживотно тело на маж, по што претходно беше организирана потрага, соопшти денеска хрватската полиција.
Порталот Индекс претходно објави дека маж се обидел да спаси чамец од големо невреме и силен ветер што ја погоди Хрватска. Неговото тело е пронајдено на 200 метри од местото каде што наводно паднал во реката.
Хрватскиот државен хидрометеоролошки завод (ДХМЗ) за денеска објави црвен метео аларм за Велебитскиот канал и јужна Далмација.
„Ветерот ја крена целата конструкција, внатре имаше машини, трактор, останаа само темелите. Шупата излета седум метри до другиот дел од шталата со 200 овци и 100 јагниња. Фала богу, никој не беше повреден“, изјави за хрватскиот портал 24.sata.hr, жител на Плашник кај Гарешница во Хрватска, за последиците од невремето што во саботата ја зафати Хрватска.
Издадено е и портокалово предупредување за подрачјето на Риека, Сплит и Дубровник, западниот брег на Истра и Кварнер поради силно и многу силно невреме.
И во Србија има снежно невреме. Таму 25.000 луѓе се без струја.
Можеби ќе ве интересира
ЦРВЕН МЕТЕОАЛАРМ ВО ХРВАТСКА: Спасувачите извлекоа трудница од снежната бура! „Не излегувај, тоа е опасно по живот“
ХЕРОЈСКИ ПОДВИГ - екипа за Итна помош од Бања Лука четири часа пешачела низ снег за да стигне до болно дете
АНКЕТА: Мнозинството граѓани одговориле дека Хрватска не оди во правилна насока
СПАСУВАЧКА АКЦИЈА: Хеликоптер транспортираше трудница од завеан хрватски град
(ВИДЕО) СНЕГ ВО ХРВАТСКА: Педесетина луѓе беа заглавени во автомобилите
ЗАГИНА МЛАД ЧОВЕК: Невремето во Србија ја однесе првата жртва
МИСИЈАТА ЌЕ ТРАЕ ТРИ ГОДИНИ: Албанија ќе обучува украински војници
(ВИДЕО) ЛУЃE ДЕСЕТ ЧАСА БЕА ЗАГЛАВЕНИ ВО СНЕГОТ: Драматично беше кај Дрвар
ШТО Е НОРОВИРУС И КОЛКУ Е ОПАСЕН? Хрватска итно повлече еден производ контаминиран со овој вирус
