Синдикатите мора да се менуваат во процесот на евроинтеграција!
Објавено во: Економија 29 Јануари, 2013
Започна Меѓународната синдикална обука што во организација на Европската конфедерација на синдикати следните два дена се одржува во Скопје. Тема на разговор притоа ќе бидат прашањата како и колку синдикатите можат да помогат во процесот на европската интеграција на Македонија, пред се во насока на усогласување на законодавството и унапредувањето на социјалниот дијалог.
Како што истакна Претседателот на Сојузот на синдикатите на Македонија (ССМ) Живко Митревски, заедно со другите синдикални организации се трудат активно да учествуваат во креирањето на политиките за работните односи, социјалните права, но и директно се поврзани со процесот на евроинтеграциите.
Од Европската конфедерација на синдикатити сметаат дека и синдикатите, но и целото општество мора да се мобилизираат за колку што е можно побрзо да ги придвижат своите земји кон ЕУ. „ЕУ сега е крајно брзо движечка цел и структурно се менува. Тоа е големата работа која треба да се напомене. Затоа е потребна поголема концентрација за поголемо разбирање и консензус за политиките бидејќи ЕУ, во која Македонија се надевам многу брзо ќе биде дел, ќе биде различно место од сега, рече Григор Градев. Тој додаде дека промените во ЕУ не се позитивни и оти таа сега можеби е во најлошата ситуација заради кризата и невработеноста, која и покрај добрите сигнали за наредниот период нема да заврши наскоро. Министерот за труд и социјална политика Спиро Ристовски пак нагласи дека Македонија има направено многу на полето на усогласувањето на националното законодавство во европското, како што има постигнато и голем напредок во унапредувањето на социјалниот дијалог како средство за постигнување консензус за важни економско социјални прашања.„Дека има напредок во остварувањето на социјалниот дијалог меѓу Владата, синдикатите и работодавачите потврдува и последниот извештај на ЕК. Доказ дека Македонија и натаму останува на ставот дека социјалниот дијалог е добар начин за подобра заштита на правата на работниците и работодавачите, за подобра работна клима и побрз економски развој“, рече Ристовски.
Можеби ќе ве интересира
„Божиновска доби покана да биде дел од глобалната сцена - Македонија со место на светската маса на престижниот Берлинскиот енергетски форум “
ИМ ТРЕБААТ ВОЗАЧИ, МЕСАРИ, КЕЛНЕРИ: Кои други профили се барани во Германија?
„ЗА ШЕСТ МЕСЕЦИ НАПРАВИВМЕ ПОВЕЌЕ ЗА ГРАЃАНИТЕ ОТКОЛКУ ПРЕТХОДНАТА ВЛАДА ЗА 7 ГОДИНИ“: Владата го кани УПОЗ на разговор
„АЛЕКСАНДАР, ДЕЛУВА НАВИСТИНА ИМПОЗАНТНО ОВА ШТО БЕШЕ НАПРАВЕНО“: Николоски беше пофален од Мицкоски за експресниот пат за Прилеп
АВИОНСКИОТ ПРЕВОЗ „ЦВЕТА“ – граѓаните се помалку и помалку се возат со возови
ДЕЈАН МАНЕВ НА НОВА ПРЕСТИЖНА ПОЗИЦИЈА: Назначен е за Country Director на Evapify Group за Македонија
МИНИСТЕРСТВОТО ЗА ЕКОНОМИЈА ГО ПРОГЛАСИ ЗА УСПЕШЕН ПРОЕКТОТ НОВОГОДИШНА КОШНИЦА - дали цените се намалија како што очекуваа граѓаните
БЕНЕТОН ТИВКО ПОДЕЛИ ОТКАЗИ ВО НАШИОТ РЕГИОН: Огромните глобални загуби ги принудија да направат драстични намалувања
