СИРЕНИ ЗА ТРЕВОГА ЈА РАЗБУДИЈА РИЕКА, НАСЕЛЕНИЕТО ЕВАКУИРАНО, МИНАТА Е ПРЕМЕСТЕНА: Објавена е снимка за релоцирање кон отворено море

Добивај вести на Viber

Хрватската полиција објави видео од влечење на мината од пристаништето Риека кон отворено море, каде што ќе биде неутрализирана.

„Во 9:00 часот започна влечењето на мина останата од Втората светска војна од пристаништето Риека до локацијата каде што ќе биде неутрализирана. Во 9:23 часот влечното возило го помина врвот на брановидникот Риека и влечењето продолжи кон местото на неутрализација, кое се уште е во тек“, се вели во соопштението на Штабот за цивилна заштита.

Извршена е евакуација заради безбедност и заштита на човечки животи.

Во саботата околу 500 жители беа евакуирани од зградите во зоната на непосредна потенцијална опасност во случај на активирање на мина. Се помина без проблеми, повеќето сами организираа привремено сместување, а помал дел беа сместени во Младинската сала во Трсат, каде беа распоредени кревети.

Инаку, кон крајот на јуни при инфраструктурни работи на морското дно во пристаништето Риека беше откриена противбродска мина од Втората светска војна, која до сега не беше забележана бидејќи беше делумно затрупана во калливото дно.

Поради карактеристиките и локацијата каде што е пронајдена, не беше можно уништување на мината на местото на откривање, па е изготвен план за преместување и неутрализација.

Видеото е на следниот линк