„Сириза“ повторно го превзеде првото место на анкетите

Добивај вести на Viber

Грчката левичарска партија на досегашниот премиер Алексис Ципрас повторно го превзеде првото место во анкетите за престојните избори во земјата на крајот на следната недела.

Според податоците на Агенцијата „Pro Rata“ за грчкиот весник „Ефимерида тон Синтактон“ „Сириза“ води со 5% пред втората политичка сила - „Нова демократија“. Двете имаат соодветно 28,5% и 23,5%. Според претходната анкета на агенцијата „Сириза“ водеше според гласот на избирачите со 3,5%.

Пред една недела некои социолошки агенции регистрираа предност на конзервативците од „Нова демократија“ пред партијата на Ципрас. Тогаш анкетата на Институтот за јавно мислење „GPO“ покажа дека за „Сириза“ би гласале 25% од испитаниците. „Нова демократија“ застана на прво место со поддршка на 25,3% од грчките гласачи.

Според последното истражување на „Pro Rata“ првите три се дополнуваат од екстремно десничарската партија „Златна зора“, која влегува во управувањето со земјата со 6,5% од гласовите на избирачите. По неа доаѓа „ПАСОК“ со 4,5%.

Надвор од парламентот остануваат досегашните коалициски партнери на Ципрас - „Независните Грци“ на Панос Каменос, со 2,5%. Слични резултати би го отежнале особено поранешниот премиер, кој дури и да заврши прв на гласањето, нема да добие доволен број гласови за самостојно управување и ќе треба да побара евентуален коалиционен партнер.

Истражувањето покажува дека 23% од избирачите би поддржале широка коалиција помеѓу „Сириза“ и „Нова демократија“. Исто толку луѓе сепак би сакале повторно да ја видат досегашната владејачка двојка - Ципрас / Каменос повторно на власт, а 18% го поддржуваат независното управување на „Сириза“.

Без парламентарно претставување ќе биде и новата партија на отцепените од „Сириза“ пратеници на Панајотис Лафазанис од новоформираната „Популарна унија", кои исто така добиваат 2,5%.