Сите потенцијални купувачи бараат 700 откази во Галеника

Добивај вести на Viber

Детали од понудата на заинтересираните за стратешко партнерство со српската фармацевтска компанија Галеника се појавија во белградските медиуми. Комисијата за стратешко партнерство со Галеника, според пишувањата на Вечерњи новости, „ѕирнало“ во понудата на сите три понудувачи, а тоа се компaниите „Cadila Pharmaceuticals“ од Индија, „EMS“ од Бразил и конзорциумот кој се состои од „Frontier Pharma“ од Велика Британија и „ LLC NPA Petrovax Pharm“ од Русија.

Тие во моментот се кај приватизацискиот советник, на косултантската куќа „Deloitte“, чии експерти мора да одговорат дали ги исполнуваат потребните услови од јавниот повик на понудите . Како што дознава неофицијално весникот, се издвојува планот на компанијата „EMS“ која е подготвена да преземе поголем удел во фирмата за лекови за повеќе од минимални седум милиони евра, колку што е барано за 25% од акциите.

Како што се тврди, Индијците нудат работа за 750 лица, а британско-рускиот конзорциум за 700. „Ако се точни тие бројки, Независниот синдикат смета дека ниедна понуда не е прифатлива. Не е во ред државата да им отпише долгови, да отпуштат половина работници и четвртина од фирмата да ја добијат за само седум милиони евра. Се надеваме дека стратешкиот партнер кој ќе ги донесе новите лекови, ќе го прошири производството и ќе вработи работници“, вели Зоран Пантелиќ, претседател на тој синдикат во Галеника. После три социјални програми во Галеника од 2800 останале 1400 работници.