Добивај вести на Viber
Тешки обвинувања од родителите во хрватскиот град Сисак за македонска лекарка која работи како педијатар-неонатолог во нивната болница. Околу 5.000 родители тврдат дека на нивните деца им измислува болести и ги става на непотребни терапии и испитувања, објави
Дневник.хр. Тие ја пријавиле и во хрватското Министерство за здравство кое сега ќе испрати инспекција во болницата. Повиканата лекарка се брани - само совесно си ја работам работата.
Речиси 4.000 мајки во Сисак
се потпишале само на електронската петицијата со која тврдат дека неонатологот Милица Икономова од мистериозни причини ги задржува нивните деца на болница и бараат таа веќе да не ги лекува.
Лекарката се брани дека само е претпазлива. „Секој лекар кој е разумен, кој е одговорен и кој има искуство како мене би постапил исто“, вели д-р Икономова, појаснувајќи дека е дополнително претпазлива бидејќи се наоѓа во друга земја.
Мајките ја обвинуваат дека ги советувала да не ги дојат децата, а таа вели - со најдобри намери. Реакциите на родителите можат да се прочитаат и на
Фејсбук, каде што алармирале уште минатата година за однесувањето на македонската лекарка.
На д-р Икономова работната дозвола во Хрватска и истекува на 5 октомври, но таа вели дека има намера да бара продолжување, бидејќи сакала да работи во хрватските болници.