Скандал во Кипар: Министерот си го загуби службениот автомобил!
Објавено во: Балкан 21 Февруари, 2013
Денеска министерот за трговија на Кипар, Неоклис Силикиотис, бил пречекан од судски извршители кои го симнале од службениот автомобил за да му го конфискуваат, соопшуваат кипарските грчки медиуми.
Како што пренесуваат кипарските медиуми, утрово судски службеници отишле во министерството за да ја исполнат судската наредба за конфискација на државен движен имот вреден 15 милиони евра.
Пред зградата бил испратен камион за транспорт на возила, на кој требало да се натоварат автомобили, мебел, компјутери и друга опрема со цел да се платат обврските на државата кон приватни лица заради отуѓени терени.
Сепак, на судските извршители не им било дозволено да влезат во министерството, бидејќи судската процедура не е завршена. Затоа Силикиотис бил запрен при неговото пристигнување пред зградата и истеран од автомобилот, јавија медиумите.
Судските извршители поднеле жалба во полицијата заради спречување на нивната работа.