Скопје е далеку од Сараево и Загреб, ќе немаме ски центар близу главниот град!

Добивај вести на Viber

Нема заинтересирани фирми за изградба на ски патеки на Водно. Со ова, паѓаат во вода надежите на Скопјани дека на планината ќе никне модерен ски центар. На тендерот што го распиша Град Скопје за јавно-приватно партнерство за изградба, управување и одржување на ски-патеки на планината не се пријави ниту една компанија. Од Градот велат дека се уште не е одлучено што понатаму ќе се прави.

„Откако ќе ги разгледаме сите услови, ќе одлучиме дали да се оди на нов тендер или пак идејата ќе се стави во мирување, велат од Град Скопје.

Претходната замисла предвидуваше дека на Водно ќе се гради современ и модерен скијачки комплекс којшто ќе ги задоволи највисоките светски стандарди за ваков вид на објекти. Според условите во јавниот повик, се планираше изградба на на 4 ски патеки на Водно, со вкупна должина од 3850 метри, три ски лифта, со должина од 1350 метри, два подвижни тепиха со должина од 160 метри, еден ресторан од 200 метри квадратни, административна зграда со ресторан, ски рента и ски школа од 240 метри квадратни,  моторни санки заклучно со сервис, прва помош, пумпна станица за системот за технички снег, ски патрола, акумулација вода и систем за технички снег. Приватниот партнер, што ќе достави најповолна понуда, според распишаните услови беше должен да ја изгради патеката, да ја управува и одржува во следните 25 години. Концесискиот надоместок ќе се плаќа на годишно ниво во износ од 1% од вкупниот годишен приход утврден врз основа на официјални годишни финансиски извештаи на приватниот партнер. Сепак неатрактивноста и веројатно, тешката исплатливост на проектот си го направи своето, па фирмите не се пријавија на тендерот. Ј.С.