22 Септември, 2019
0.0421

Скопје не стана Зелена престолнина, а невладините очекуваат зимава да биде најзагаден град

Објавено во: Македонија 12 Септември, 2019

Градот Скопје аплицираше, но не успеа да стане Зелена престолнина за 2021 година.

Од О2 Иницијатива вчера на социјалните мржеи обвинија дека градските власти оваа информација ја имаат уште во април, но не ја споделуваат со јавноста. Тие го опишуваат Скопје како загаден град, на кој реално според нив, не му е местото во друштво на зелени градови.

„Гледајќи ги категориите кои Европската Комисија ги оценувала и споредувајќи ја состојбата на терен, видлива од сопствените прозори, можеме само да заклучиме дека Скопје уште долго нема да биде зелен, ниту како град, ниту престолнина. Скопје единствено и оваа зима ќе може да ја носи круната на најцрн, најзагаден град на светот“, наведуваат од О2 Иницијативата.

Тие сметаат дека Скопје уште многу долго ќе треба да работи за да биде во рангот на зелените градови. Изборот е направен врз основа на повеќе критериуми како чистота, бучава, квалитет на воздух, адаптираност на климатски промени и други фактори.

Од Град Скопје велат дека фактот дека се влезени меѓу 8-те градови за избор на Зелена престолнина за нив е успех.

„Градот Скопје аплицираше за Зелена престолнина во 2021 година и успеа да влезе во потесниот избор од 8 европски градови кандидати, но не и во првите три места. Пласманот на Град Скопје меѓу 8 европски градови кои претендираа за Зелена престолнина во 2021 година е успех и преставува признание на заложбите на Град Скопје за креирање и имплементирање на зелени политики, односно напредокот во подобрувањето на животната средина. Со поднесувањето на апликацијата за ова признание, Градот Скопје покажа стратешка определба да преземе конкретни чекори за почиста и поздрава животна средина“, објаснуваат од Град Скопје.

Претходно градоначалникот Петре Шилегов најави растоварување на градскиот метеж и намалување на емисиите на издувни гасови, со што изрази надеж дека главниот град ќе стане Европска зелена престолнина за 2021.


Во топ три изборот се најдоа градовите Лахти во Финска, и Лил и Стразбур во Франција.

За да влезат во потесен избор, од Балканот во игра беа Тирана и Будимпешта, но тоа не се случи.

Наградата Европска зелена престолнина досега ја добија градовите Стокхолм (2010), Хамбург (2011), Викторија – Гастејс (2012), Нант (2013), Копенхаген (2014), Бристол (2015), Љубљана (2016), Есен (2017), Најмиген (2018), Осло (2019) и Лисабон (2020)

Сања Атанасовска

фото Википедија

Можеби ќе ве интересира

Тешка сообраќајка: Загина жена од Богданци

Тешка сообраќајка: Загина жена од Богданци

Утре нова средба меѓу работните групи на СДСМ и ВМРО-ДПМНЕ за Законот за ЈО

Утре нова средба меѓу работните групи на СДСМ и ВМРО-ДПМНЕ за Законот за ЈО

57 американци како волонтери во Мировен корпус во Македонија

57 американци како волонтери во Мировен корпус во Македонија

ПРОГНОЗА: Денес сонце од утре дожд

ПРОГНОЗА: Денес сонце од утре дожд

Претседателот Пендаровски се откажува од државните привилегии кои му следуваат по истекот на мандатот

Претседателот Пендаровски се откажува од државните привилегии кои му следуваат по истекот на мандатот

ФОКУС НА ДЕНОТ: Три земјотреси ја погодија Албанија - Боки 13 и Катица на распит кај Русковска

ФОКУС НА ДЕНОТ: Три земјотреси ја погодија Албанија - Боки 13 и Катица на распит кај Русковска

КАКО ВАШИОТ НЕДВИЖЕН ИМОТ МОЖЕ ДА СТАНЕ ПРОФИТАБИЛЕН?

КАКО ВАШИОТ НЕДВИЖЕН ИМОТ МОЖЕ ДА СТАНЕ ПРОФИТАБИЛЕН?

Силен земјотрес во Албанија: Се затресе и Македонија

Силен земјотрес во Албанија: Се затресе и Македонија

Шар планина наскоро ќе биде прогласена за Национален парк

Шар планина наскоро ќе биде прогласена за Национален парк