Слаба продажба на првиот таблет на „Microsoft“

Добивај вести на Viber

Продажбата на „Surface RT“, првиот таблет на „Microsoft“ е помала од очекувањата. Иако компанијата не дава официјални податоци за продажбата, според изјавата за францускиот весник „Le Parisien“ од страна на извршниот директор Стив Балмер, тој зборува за "скромен почеток". Според компанијата,  уредот се продава само преку интернет „Microsoft Stores“, каде сепак честопати недостигаат парчиња. Ова според Балмер е добар знак, но „Microsoft“ треба  брзо да дејствува и да го реши овој проблем. Стив Балмер потсетува дека по „Surface“ се подготвува и ќе следи пазарната премиера на помоќната верзија на таблетот, која ќе понуди екран со висока резолуција и помоќен процесор, развиен од „Intel“. Станува збор за „Surface Pro“, кој ќе ја користи и целосна верзија на „Windows 8“. Главниот извршен директор на софтверскиот гигант информираше и дека за првите три дена од стартот, компанијата продала 4 милиони софтвери „Windows 8“. Во меѓувреме, се појавија коментари од неколку корисници на таблети кои пишуваат за дефекти во квалитетот на капакот на тастатурата. Сепак „Microsoft“ брзо  реагираше и најави дека веднаш ќе направи замена доколку се забележат проблеми кај таблетот.