СЛАВЧО ПОПОСКИ: Ќе имаме температури дури и за десет степени повисоки од нормалните
Објавено во: Македонија 28 Јануари, 2018
Метеорологот Славчо Попоски вели дека најновите анализи на времето кои што ги направат повторно укажуваат на тоа дека веќе од денеска па во следните неколку денови потоа територијата на нашата држава ќе биде под влијание на стабилна, сува и невообичаено топла воздушна маса која веќе продира од јужните географски широчини.
„Истата ќе услови стабилно, суво, сончево време без врнежи. Само оваа ноќ и утре претпладне ќе има нешто повеќе облаци. Ќе дува слаб до умерен ветер претежно од северен правец кој Долж Повардарието и на југоисток ќе се засилува по интензитет. Максимумот на температурите на воздухот ќе се искачуваат на многу места до, а некаде и над 10-от степен додека во централните и во југоисточните предели истите ќе се искачат дури и до 17, 18 степени“ - вели Попоски.
Според него, се очекува вистинска пролет во Македонија.