СМС банкарство од Охридска банка Сосиете Женерал – Следете ги вашите пари преку мобилен телефон

Добивај вести на Viber

Сигурно сакате да го следите движењето на парите од вашата сметка, а времето ви е ограничено и не сте во состојба да одите до најблискиот шалтер на банката или банкомат. Вашиот мобилен телефон е сигурен извор на информации за состојбата на вашата трансакциска сметка, кредитна или дебитна картичка.

Со услугата што веќе подолго време на пазарот ја нуди Охридска банка Сосиете Женерал заштедувате време и добивате можност за 24 часовен увид во состојбата и промените на вашата трансакциска сметка или картичките што ги поседувате независно дали се тие кредитни или дебитни. Преку СМС порака можете да ги следите сите трансакции и тоа во реално време.

На ваше барање , во реално време можете да добиете СМС известување за состојбата на трансакциската сметка, за приливот на финансии на сметката, за трансакции што сте ги направиле со платежни картички во која било продажна мрежа како и известување за плаќања преку интернет и повлекување средства од банкомат.

Истовремено, преку СМС можете да добиете и потврда за извршена трансакција, да го проверите износот на извршената трансакција, да добиете известување во врска со вашата картичка  и да бидете заштитени од повеќекратно реализирање на истата трансакција, од злоупотреба на картичката.

Се што треба да направите е да имате трансакциска сметка во Охридска банка Сосиете Женерал  и активен мобилен телефонски број од некој од мобилните оператори овластени на територијата на Македонија и да аплицирате за СМС услугата во една од експозитурите на Охридска банка Сосиете Женерал или  да се јавите на 046/261-000, а можете да аплицирате и преку obsgnetsupport@ob.com.mk

На крајот ве потсетуваме дека вашата картичка треба да ја чувате исто како што ја чувате вашата готовина, да го помните вашиот ПИН , не запишувајте го на картичката и секако не доверувајте ја картичката на друго лице, ниту пак Вашиот ПИН –код.

Повеќе совети за безбедно користење на картичките можете да најдете на www.ohridskabanka.mk.