Словенечката полиција ги истражува челниците на НЛБ поради продажбата на Меркатор?

Добивај вести на Viber

Откако вчера словенечката полиција покрена голема акција и приведе едно лице поради сомневање за илегално користел инсајдерски информации за тоа дека „Агрокор“ сака да го преземе „Меркатор“, денеска медиумите јавуваат дека приведен е директорот и шеф на Управата на Новата Љубљанска банка, Јанко Меѓ . Засега полицијата не ги соопштува имињата на фирмите и лицата вмешани во скандалот. Целата истрага, се наведува дека е покрената по анонимна пријава во 2009 година, а словенечката полиција  соработувала со хрватската власт. „Лицето кое што е осомничено е поранешен вработен во финансискиот сектор на банката. Осомничениот работел во групата, која при извршување на банкарските работи на подрачјето на нашата и соседните држави дошле до информации дека една фирма од соседството планира да преземе друга од Словенија. Информација пак имала влијание на цената на хартиите од вредност, кои котираат на пазарот во Република Словенија. Врз основа на информацијата банките започнале да купуваат хартии од вредност од словенечката фирма, по пониска цена од онаа која што беше предвидена за преземање на таа фирма“, изјави шефот на истрагата Роберт Слодеј кој појасни дека е тешко да се процени колкава е финансиската добивка на осомничениот на кој му се заканува затворска казна од пет години. Словенечката полиција вчера на работното место го посети и претседателот на Надзорниот одбор на Нова Љубљанска банка, Франк Архар, но како што јавуваат словенечките медиуми тој е на слобода.