Добивај вести на Viber
Бизнис форум на кој ќе учествуваат македонски и словенечки компании предвидено е да се одржи денеска во Скопје во просториите на Стопанската Комора на Македонија.
Поздравно обраќање, како што е најавено, ќе имаат министерот за информатичко општество и администрација, Иво Ивановски, словенечкиот министер за правда и јавна администрација, Сенко Пличанич, претседателот на Стопанската Комора за информатички и комуникациски технологии (МАСИТ), Игор Бимбилоски и претседателот на ИКТ Комората, Сашо Огненовски.
На бизнис форумот ќе се одржат презентации на услуги за е-Влада од претставници на министерството за правда и јавна администрација на Словенија и од министерството за информатичко општество и администрација на Македонија, при што ќе има и размена на искуства меѓу двете земји.
Инаку, Македонија и Словенија имаат традиционално добри трговски релации, и голем број фирми од Словенија се присутни во земјава.