Словенија ќе исплаќа плати со обврзници?

Добивај вести на Viber

Доколку не бидат доволни тековните мерки за финансиска стабилизација на Словенија премиерката Аленка Братушек не ја исклучи можноста дел од платите во јавниот сектор да се исплаќаат со обврзници со државна гаранција. "Ние се уште размислуваме дали и како може државата да се задолжи и позајми од граѓаните", рече Братушек во интервју за весникот "Дневникот", одговарајќи на прашањето што е со идејата од пред два месеца, која во интервју ја презентираше министерот за економија Станко Степишник велејќи дека вработените во јавниот сектор кои имаат плата над 1500 евра, дел од платата ќе ја добијат со одложување од една година, и за таа сума ќе добијат хартии од вредност со владините гаранции. Намалување на платите во јавниот сектор, што е договорено со синдикатите и ќе се применува од 1 јули беше неопходно поради финансиски дефицит на државата, и доколку е потребно во иднина, владата не исклучува некоја нова форма на задолжување од граѓаните. Словенечката премиерка рече дека нејзината визија е "социјална и солидарна Словенија", а не држава со ниски даноци и високи општествени поделби. "Социјална и солидарна држава за мене се единствениот начин, и друг пат не гледам. Секој кој има повеќе мора да биде свесни дека тоа бара солидарност, дури и кога не е задоволен со даноците. Ниски даноци значат ниски социјални стандарди, нови отпуштања, тоа не е моја визија ", изјави Братушек. Таа додаде дека го следи примерот на, скандинавските земји со високи општествени стандарди, а не земји со ниски даноци каде што нема квалитетни јавен здравствен и образовен систем. "Сега ни е потребен договор какова држава сакаме, во каква држава луѓето сакаат да живеат", рече Братушек додавајќи дека нејзиниот одговорот е јасен и дека нема друга визија, освен Словенија го гледа како социјален и солидарност земја.