Словенците 2013-та ќе ја дочекаат со протести

Добивај вести на Viber

Протестите поради незадоволството од владејачките политички елити и социо-економската ситуација во Словенија не ги остварија своите цели и ќе продолжат и следната година, се наведува во истражувањето на јавното мислење, објавено денеска од љубљанскиот дневен весник „Дело“.

Анкетата покажува дека 85 проценти од 401 испитан Словенец со право на глас сметаат дека протестите кои ги одбележаа последните четири години во земјата, ќе продолжат и во 2013 година, додека 11 проценти не веруваат дека протестите ќе продолжат.

Вкупно 66 проценти од испитаниците тврдат дека протестите не ги оствариле своите цели, 27 отсто сметаат дека се постигнати, а седум отсто Словенци немаат јасно мислење за ова прашање.

Во анкетата спроведена на 17 и 19 декември, 15,9 отсто испитаници изјавија дека ќе излезат на протести низ цела Словенија во петок, додека 66,2 проценти од Словенците изјавија дека ги подржуваат демонстрациите, но дека нема да излезат на улица.

Весникот „Дело“ оценува дека протестите на улиците низ словенечките градови предизвикано од незадоволство поради економската криза, владините мерки за штедење и сите словенечки политичари засега остануваат без последици во политиката