Добивај вести на Viber
Синоќа, бизнисмените од дијаспората и другите учесници на самитот Македoнија 2025, за малку ќе останеа без вечера. Имено, на речиси целото подрачје на Охрид вчера снема електрична енергија, поради избивање на далновод на МЕПСО. Речиси половина час печалбарите чекале да дојде струја за да може успешниот ден да финишира со гала вечера, која за малку ќе беше сосоема одложена, доколку не беше брзата интервенција на македонските енергетски власти.
Сепак, на крајот се добро се заврши, па сега македoнските бизнисмени од дијаспората ќе имаат полесна задача да одлучат во кој сектор треба да инвестираат. Можеби, токму во енергетиката?
Реакција, Македонија 2025:
Почитувани,
Македонија 2025 ве информира дека веста не е презентирана на објективен начин. Немаше ризик од одложување на вечерата, бидејќи хотелот продолжи да функционира на агрегат. Музиката, благодарение на Петар Ренџов продолжи со акустичен настап, недостигот на струја помина незабележано во салата. Храната веќе беше подготвена и сервирана.
Сепак, ако продолжиме со вакво омаловажување кон себе и својата земја, никој од овие инвеститори нема да инвестира.
Сликата погоре не е воопшто поврзана со Инвестицискиот самит.
Повеќе слики од самитот на овој линк
http://www.mgisummit.org/gallerydinners.php