Снежна покривка веќе има во околината на Дебар, Балканот ќе го зафати снег

Дебелината на снежната покривка во пониските населени места е неколку сантиметри додека во повисоките таа е над 10-тина и повеќе сантиметри. 

„Сообраќајот се одвива непречено, но по влажни коловози, а на некои делови има остатоци од кашест снег, како и појава на помали одрони од камен. Нашите екипи се постојано на терен во расчистување и засега нема проблеми. Сепак препорачување внимателно возење и строго почитување на сообраќајната сигнализација, како поради влажниот коловоз, така и поради можноста од појава на одрони“, препорачуваат од дебарската секција на „Македонија пат”.

Под надлежност на дебарската секција се делницата Дебар-Жировница, на патот кон Маврово, Дебар-Глобочица, кон Струга, патот Мелнички Мост – Центар Жупа, кракот од Бошков мост кон селата од Мала Река, како и патот кон граничниот премин „Блато” или во вкупна должина од околу 120 километри.

Европејците ќе се смрзнат, а Балканот ќе се соочи со снег. Со ваква прогноза излезе специјализираниот портал Severe Weather Europe. Како што е наведено, „во вторник, околу Алпите и Балканот ќе се развие масивен снег со снежни снежни бури“. Тој дури предвидува помеѓу 20 и 30 см снег во одредени делови на полуостровот.