Со 1,2 ,милиони евра внатрешно ќе се уредува Агенцијата за електронски комуникации

Добивај вести на Viber

Вкупно 1,2 милиони евра чини ентериерот на новата зграда на Агенцијата за електронски комуникации. Според податоците објавени на Бирото за јавни набавки, фирмата "Десигх Фантаси" имала економски најповолна понуда за внатрешно уредување на зградата, иако според бодовите, пресудно за изборот е квалитетот на производите кои ги нуди, а не цената. Изградбата на новата зграда почна во март 2011 година и договорената сума за изградбата на објектот со градежната компанија Гранит изнесуваше 8,5 милиони евра.. Но тоа е првичната сума. Пред само два месеци, изградбата поскапе за 360 илјади евра, за дополнителни работи и услуги кои не можеле да бидат техники одвоени од основниот договор. Директорот на Агенцијата Роберт Ордановски при почетокот на изградбата потенцираше дека објектот ќе биде изграден со сопствени средства на Агенцијата од буџетите за 2011 и 2012 година. “Ќе се ослободиме од давачките за изнајмување простор што ги имаме сега и ќе добиеме објект што ќе биде дом за сите чинители на електронските комуникации во земјава“, истакна Орданоски. Новата зграда на Агенцијата за електронски комуникации која е во кружна форма со стилска фасада се гради на површина од 3.300 метри квадратни.