Со едукација и зголемени контроли ќе се спречува насилството во автобусите

Добивај вести на Viber

Ќе се зголемува контролата во автобусите на ЈСП во Скопје со цел да се спречат инцидентите и тепачките. За само шест месеци нападнати се 9 возачи, имало 15 инциденти, а 207 малолетници физички се пресметувале. Затаоа, велат од МВР,  треба е превенирање на ваквите појави. „МВР во своето превентивно дејствување секогаш се водело и од актуелните проблеми и состојби, но не го занемарувало и планското, континуирано секојдневно ангажирање на полициските служби. Затоа кога говориме за безбедноста на малолетниците, за превенцијата од насилство, дозволете ми да ве потсетам дека само во изминативе две-три години МВР самостојно или во соработка со други институции настапи со низа конкретни проекти,“ смета Гордана Јанкуловска, министерка за внатрешни работи. Сега во автобусите не екраните веќе се испишуваат пораки за ненасилство како „Да го спречиме насилството“, „Скопје град без насилство“, кои надлежните се надеваат дека ќе помогнат во оваа ситуација и ќе допрат до најмладите. „Како превентивна мерка за нивно намалување вработени се четворица контролори во автобусите 65 и 55 кои се задолжени да превенираат или спречат инциденти. Ваквата мерка покажала досега успешни резултати,“ вели Мишо Николов, директорот на ЈСП. Покрај ова од ЈСП најавиија дека ќе набават и 50 снимачи за камери, бидејќи камерите кои се наоѓаат во новите автобуси служат сам за пренесување на сликата до возачот. Но и набавката на снимачите ќе оди етапно, бидејќи се потребни пари. Од полицијата се уште не ги пронашле насилниците кои повредија 6 деца во автобусот со број 65 во скопски Сингечиќ. Сепак Јанкулоска вели дека ќе се фокусираат на едукација на сите средношколци од подрачјето на општините Кисела Вода, Гази Баба и Ѓорче Петров.  Исто така автобусите што возат кон нон Сопшите, Арачиново, Стајковци, но и кон хемиското училиште ќе бидат под лупата на полицијата и ЈСП.