СО ГОДИНИ ШПИОНИРАЛЕ ВО СЛОВЕНИЈА, А БИЛЕ И ВО ЗАГРЕБ: Путин ги пречека на црвен тепих, ова е приказната за Артем и Ана кои беа разменети

Добивај вести на Viber

Артем Дулцев и Ана Дулцева се меѓу ослободените, кои Путин вчера лично ги пречека на црвен тепих. Тие се елитни шпиони кои со години живееја во Словенија како ИТ бизнисмен Лудвиг Гиш и трговец со уметнички дела и сопственичка на галерија Марија Роза Мајер Мунос.

Ова е приказната за нив.

Марина Мајер и Лудвиг Гиш се преселиле во Љубљана со своите две мали деца во 2017 година. Луѓето кои ги запознале имале само пофални зборови за новодојденците од Латинска Америка кои биле пријателски настроени и никагаш агресивни.

Мајер отворила онлајн уметничка галерија, додека Гиш водел ИТ стартап. Тие им кажале на пријателите дека големиот страв од уличниот криминал дома во Аргентина ги поттикналда се преселат во Европа.

-Мирната, планинска Словенија понуди освежувачка промена на темпото, пишува The Guardian.

Според соседите ти се обично семејство, чии  деца често си играат во градината, зборувајќи на шпански.

Затоа, шок беше кога, на почетокот на декември 2022 година, Мајер и Гиш беа цел на една од најтајните и најкоординирани полициски и разузнавачки операции во поновата историја на Словенија. Полицијата упаднала во куќата, го уапсила брачниот пар, а нивните две деца ги предала на социјалните служби. Полицијата извршила претрес и во канцеларијата во сопственост на парот. Според извор информиран за истрагата, пронајдена е огромна сума на готовина, за броење биле потребни часови.

Елитни руски шпиони

На крајот на јануари 2023 година, словенечките медиуми ја објавија веста за апсењата, поврзувајќи ги со руската разузнавачка служба. Извори од Љубљана за „Гардијан“ оваа недела изјавија дека Марија и Лудвиг се всушност елитни руски шпиони познати како „илегалци“. Апсењата уследија откако Словенија доби дојава од странска разузнавачка служба. За разлика од „легалните“ руски разузнавачи, кои се маскирани како дипломати во руските амбасади ширум светот, илегалците работат без никакви видливи врски со Москва. Тие се обучени со години да се претставуваат како странци, а потоа се испраќаат во странство да собираат разузнавачки информации. Многумина имаат деца, кои се воспитувани во скриен идентитет без поим дека нивните родители се навистина Руси.

„Осомничените се членови на странската разузнавачка служба кои користеле нелегално стекнати странски лични документи за да живеат и работат во Словенија под лажен идентитет и тајно собирале податоци“, изјави портпаролот на полицијата Драго Менегалија.

Словенија како добра база за шпиони

Словенија има послаба контраразузнавачка средина од многу европски земји кои сè уште се во Шенген зоната и беше совршена база за разузнавачката двојка да патува низ Европа без гранични проверки. „Повеќето од нивните активности не беа во Словенија“, вели еден извор.

Од инвазијата на Украина, западните земји протераа стотици „легални“ шпиони кои работеа од амбасадите низ Европа под дипломатско покривање. Ова можеби ја принуди Москва повеќе да се потпира на илегалците, како и на други неформални мрежи.

Големи пари во готовина

Големо количество готовина пронајдено за време на претресот на канцеларијата може да укаже дека должноста на двојката вклучува плаќање на руски неформални агенти или информатори. Москва понекогаш користи илегалци за овој тип на задачи бидејќи разузнавачите кои работат во амбасадите би можеле да бидат предмет на рутински надзор и на тој начин да ризикуваат да ги разоткријат изворите.

Профилите на Марија Мајер на социјалните мрежи покажуваат дека таа често патувала за да ја промовира галеријата 5'14, нејзиниот онлајн уметнички портал. Не е јасно дали таа ги таргетираше уметничките кругови или само ја користеше галеријата како изговор за патување и други работи. Таа најмалку двапати го посетила саемот за уметност во Загреб, а неколку пати отпатувала и во Велика Британија, каде што ги изложила своите дела во галерија во трговски центар во Единбург. "Таа беше супер пријателска. Ме стави во нејзината веб-галерија, а исто така ја изложи мојата работа во Единбург. Ова беше голема работа за мене бидејќи ретко имам можност да ја изложам мојата работа во странство", рече Јуре Краљ, фотограф од Марибор.

Во ноември 2022 година била во Загреб

Други уметници ја опишаа средбата со Мајер во Загреб во ноември 2022 година. „Претежно имавме опуштени разговори и се забавувавме да го поминеме времето“, се присети еден хрватски уметник кој размени контакт информации со неа.

Лудвиг Гиш користел аргентински пасош во кој пишувало дека е роден во Намибија во 1984 година. Тој ја водел DSM&IT, компанија која нуди софтвер за организирање на дојдовните сандачиња за е-пошта на луѓето, блокирање вируси, малициозен софтвер и спам.

Интернет-отпечатокот на компанијата не е особено впечатлив. Неговиот X профил има само тројца следбеници, од кои едниот е Гиш, а другиот е галеријата на неговата сопруга. Пријател на парот кој ја симнал пробната верзија на софтверот рече дека се сомнева дека некој би платил за таква услуга. Како и неговата сопруга, Гиш ја користел својата работа за да патува. Неговите профили на социјалните мрежи сугерираат дека присуствувал на CloudFest 2022, конференција во Баден-Виртемберг, Германија, која се смета себеси за „настан број 1 во светот на интернет инфраструктурата“ и вели дека привлекува илјадници професионалци за онлајн безбедност. Ова ќе обезбеди одлични можности за вмрежување.