Добивај вести на Viber
На Словенија не и е потребна помош за да се извлече од кризата, смета словенечкиот премиер Јанез Јанша.
„Ги имаме сите потенцијали сами да ја извлечеме Словенија од опасните води“, рече Јанша по состанокот со претседателот на Европската централна банка, Марио Драги.
Словенечката влада најави нови мерки за штедење за 2013 и 2014 година. Според министерот за финансии Јанез Сустериќ, планирани се кратења во јавната администрација и зголемување на данокот на додадена вредност. Новите задолжувања на државата треба да се намалат под 3 % од бруто домашниот производ со што земјата ќе ги испочитува правилата на Пактот за стабилност на еврозоната.
Станува збор за пет мерки, средување на јавните финансии со намалување на буџетскиот дефицит, санација на банкарскиот систем, реструктуирање на стопанството со приватизација на дел од државниот имот, но и спроведување реформи на пензискиот систем и пазарот на труд.