Добивај вести на Viber
Епл изгуби околу 50 милијарди долари од пазарната вредност со најголемиот пад на вредноста на акциите во еден ден во последните четири години.
Aкциите на Епл потонаа за 12% затоа што инвеститорите стравуваат дека компанијата би можела да го изгуби доминантното место на пазарот на паметни телефони,пренесе Би-би-си. Со тоа Епл изгуби околу 50 милијарди долари од пазарната вредност со најголемиот пад на вредноста на акциите во еден ден во последните четири години.
Вредноста на акциите се намали за една третина од септември минатата година наваму поради загриженоста дека компанијата ја губи предноста пред останатите конкуренти. Моменталната цена на акциите изнесува 460 долари, а истата пред четири месециво беше над 700 долари.