Со подземна сообраќајница ќе се решава хаосот во Маџар маало и Крњево

Добивај вести на Viber

Со донесувањето на Генералниот урбанистички план (ГУП) и одлуката улицата Крушевска република наместо надземна да стане подземна сообраќајница, ќе се надмине  долгогодишниот проблем  за  урбанизацијата  на неселните места Ново маало, Маџар маало и  Крњево, истакна градоначалникот  на на Град Скопје, Коце Трајановски , кој заедно со министерот за транспорт и врски Миле Јанакиески и градоначалникот на Општина Центар Владимир Тодоровиќ ги  ги презентираа можностите за изградба на населбите Ново маало, Маџар маало и  Крњево а  чии жители  по долги години ќе можат да ги легализираат своите градби и да ги доградуваат. Подземната сообраќајница треба да го поврзува булеварот „Македонија“ со булеварот „Александар Македонски“. „Утврдивме дека најдобрата можност за да можат  граѓаните во иднина да ги легализираат своите градби е Крушевска република да биде подземна  сообраќајница. За таа цел Градот Скопје по донесувањето на ГУП-от ќе направи сообраќајна студија која ќе  ја изготви Градежниот факултет. Со неа ќе се одреди нивото до коешто ќе биде спуштена сообраќајницата, како и нејзината ширина“, рече Трајановски. По изготвување на студијата ќе се овозможи  Општина Центар да направи детални урбанистички планови за тој дел од Скопје и со тоа  да се реши  догогодишниот проблем на граѓаните кои беа во голема неизвесност бидејќи не им се дозволуваше да доградуваат, не се правеа детални урбанистички планови и не се градеше сообраќајницата. „Практично не знаеја кога ќе биде решен нивниот пробелем. Сега на некој начин веќе имаат извесност кога ќе биде решено тоа. Само треба да се донесат деталните урбанистички планови и после тоа да се добијат дозволи за градба согласно маркиците кои ќе бидат предвидени“, изјави градоначалникот на Скопје. Градоначалникот на Центар најави дека Општината за побрза реализација на плановите целиот процес ќе ангажира консултант. „Крушевска  република која одеше надземно, сега ќе оди подземно со можност на локациите на кои  поминуваше да се претворат во градби според деталниот план. Тоа ќе го поправиме и дополниме во деталните  планови, а Општина Центар за да дојде до брза реализација на овој план ќе ангажира консултант кој ќе има исклучива задача да ги информира граѓаните, да ги советува и да им дава упатства како  побрзо да дојдат до реализација на своите планови односно изградба на свои парцели“, информира градоначалникот Тодоровиќ