Во Чешиново-Облешево реализација на проекти со приоритет во градба

Добивај вести на Viber

Планираните инфраструктурни проекти во општина Чешиново-Облешево се реализираат во целост. Со средства обезбедени од Агенцијата за финансиска подршка на земјоделството и руралниот развој од Буџетот на општината, како и од Бирото за регионален развој, приоритет се дава на изградбата на мост на Злетовска река меѓу селата Жиганци и Пишица.

- За изградбата на мостот кој е финансиран од Агенцијата за финансиска подршка во земјоделството и руралниот развој во висина од 9 милиони денари од Програмата за рурален развој за 2012 година, тендерската постапка е веќе спроведена и избран изведувачот, компанијата „Пелагонија инженеринг“ од Штип, а со градба е планирано да се започне наредната недела, изјави  градоначалникот на општина Чешиново и Облешево, Костадин Личков.

Со ова проблемите на повеќе граѓани од општината ќе бидат надминати, а општината ќе биде поблиску до регионалниот пат и ќе се поврзе со општината Пробиштип. Паралелено со активностите на изградбата на мостот на Злетовска река, во тек е реализацијата на проектот за изградба на пристапен пат до земјоделските површини во општина Чешиново Облешево, меѓу населените места Чифлик и Чешиново.