Добивај вести на Viber
Борбата против модерните пирати и заштитата на бродовите на нејзините земји членки и другите држави, главно во областа на Индискиот Океан, околу бреговите на т.н. Африкански рог се најдоа како тема на третиот ден од 58-тo годишно заседание на Парламентарното собрание на НАТО, што од петокот се оддржува во Прага.
„Борбата против пиратството ќе остане приоритет и во следните неколку години. Причината е јасна, тоа се парите“, истакна холандскиот пратеник Рејмонд Кнопс.
Алијансата презеде напори за обезбедување на источноафриканското крајбрежје, пред се од сомалиските пирати, во операцијата насповена „Океански штит“.
Парламентарното собрание на НАТО, се посветува и на темата за иднината на мисијата ИСАФ во Авганистан и здружувањето на ресурсите за одбрана во период кога повеќето земји прават рестрикции на нивните воени трошоци.