„Сончев град“ треба да биде изграден за 6 години, државата бара инвеститор!

Добивај вести на Viber

Државата го објави огласот со кој се бара инвеститорот што ќе ја гради елитната населба „Сончев град“ на јужните падини на Водно. Локацијата од 835 619 квадрати се продава со почетна цена од 1,6 милиони евра, односно квадратен метар се нуди за почетна цена од 2 евра. Електронското наддавање за парцелата ќе се одржи на само неколку дена пред Нова година односно од 27-ми декември. Според наведените услови идниот инвестирор на локацијата треба да изгради најмногу индивидуални куќи односно 51% од бјектите треба да бидат куќи, а  помал дел или 9% ќе бидат станбени згради. Ќ е се градат и јавни институции, објекти за рекреација и инфраструктура. Како услов за учество на јавното наддавање е наведено дека заинтересираните инвеститори ке мора да поднесат банкарска гаранција од 500 илјади евра. Откако ке го добие одобрението за градба инвеститотот има обврска во рок од 6 години да ги заврши градбите. Ако тоа не го стори ќе плака казна која изнесува 1,5 % од вкупно постигната цена на јавното наддавање за локацијата и тоа за секој изминат месец во првата година од истекот на рокот. Овој процент се зголемува секоја наредна година, па така за секој изминат месец од втората година ќе плаќа казна од 3% од постигната вкупна цена на јавното наддавање за локацијата и 4,5% од постигнатата вкупна цена на јавното наддавање за локацијата за секој изминат месец во третата и секоја наредна година.